حافظ نعیم نے اعلیٰ ظرف کی مثال قائم کر دی، عالمگیرخان
کراچی (قدرت روزنامہ)پاکستان تحریکِ انصاف کے حمایت یافتہ آزاد امیدوار عالمگیرخان نے جماعتِ اسلامی کراچی کے امیر حافظ نعیم المرحمٰن کے سندھ اسمبلی کی سیٹ چھوڑنے کے فیصلے کا خیر مقدم کیا ہے۔
عالمگیرخان نے سوشل میڈیا پر ایک خصوصی پیغام جاری کیا ہے۔ عالمگیرخان نے اپنے پیغام میں لکھا کہ ’حافظ نعیم الرحمٰن نے اعلیٰ ظرف کی مثال قائم کر دی، جمہوریت کو ایسے کردار چاہئیں۔‘
حافظ نعیم الرحمن نے اعلی ظرف کی مثال قائم کردی ہے
جمہوریت کو ایسے کردار چاہیے!#RespectMandate #PTIWon #Karachi— Alamgir Khan (@AKFixit) February 12, 2024
واضح رہے کہ امیرِ جماعت اسلامی کراچی حافظ نعیم الرحمٰن نے سندھ اسمبلی کی سیٹ چھوڑنے کا اعلان کرتے ہوئے کہا ہے کہ پی ایس129 پر میں نہیں، پی ٹی آئی والا آزاد امیدوار جیتا ہے۔
انہوں نے کہا ہے کہ مجھے خیرات کی سیٹ نہیں چاہیے، جس کا حق ہے اسے دیا جائے۔کراچی میں پریس کانفرنس کرتے ہوئے حافظ نعیم الرحمٰن کا کہنا تھا کہ تحریک انصاف کو زیادہ ووٹ ملے ہیں، ہم ان کے مینڈیٹ کو قبول کرتے ہیں، ہم تحریک انصاف کی جیت کو تسلیم کرتے ہیں۔
اُن کا کہنا تھا کہ میں اپنی سیٹ واپس کر رہا ہوں، میں اتنا ظرف رکھتا ہوں، میں وہ سیٹ نہیں لوں گا، اگر انہوں نے ہمیں اڑا دیا ہے تو ہمیں قوم کے دل سے نہیں نکال سکتے۔
