معروف فیشن ڈیزائنر ماریہ بی پی ایس ایل کے بائیکاٹ کا مطالبہ کیوں کررہی ہیں؟
کراچی (قدرت روزنامہ)معروف فیشن ڈیزائنر ماریہ بی نے شہریوں سے فوڈ چین کے ایف سی پاکستان کے ساتھ اپنی برانڈ سپانسر شپ پر پاکستان سپر لیگ سیزن 9 کے بائیکاٹ کا مطالبہ کیا ہے۔
سوشل میڈیا ایکس پر اپنے ویڈیو بیان میں فیشن ڈیزائنر ماریہ بی نے پی سی بی کو کے ایف سی کی اسپانسرشپ قبول کرنے پر تنقید کا نشانہ بنایا، ماریہ بی نے پی سی بی پر تنقید کرتے ہوئے کہا کہ ’کیا پی سی بی کو سپانسر شپ کے لیے کوئی پاکستانی برانڈ نہیں ملا؟
ماریہ بی نے پی سی بی کو یاد دلایا کہ پاکستان ان ممالک میں شامل ہے جو غزہ میں فلسطینیوں کی نسل کشی پر KFC کے بائیکاٹ کا مطالبہ کر رہے ہیں۔
#PSL Should be ashamed!!! How can you be so inhuman and so callous?? I call on all Pakistanis to boycott psl. We will stand with our brothers and sisters in Falasteen. We will not side with the enemies of humanity. #FreePalestine #BoycottPSL pic.twitter.com/irL0wLlaJf
— Maria.B: Woman=Adult Human Female (@RealMariaButt) February 18, 2024
انہوں نے کہا کہ بین الاقوامی فوڈ چین (کے ایف سی) جس پر فلسطین میں غیر قانونی اسرائیلی بستیوں کی سرپرستی اور حمایت کا الزام ہے، کے ایف سی ان بین الاقوامی برانڈز کی فہرست میں شامل ہے جن کا پاکستان میں بائیکاٹ کیا جا رہا ہے۔
ماریہ بی نے کہا کہ پاکستانی شہریوں نے فلسطین اور غزہ میں اسرائیل کی 5 ماہ سے جاری نسل کشی کے خلاف احتجاج میں کے ایف سی سمیت ان برانڈز کے بائیکاٹ کی عالمی مہم میں بڑھ چڑھ کر شمولیت اختیار کی ہے۔
انہوں نے کہا کہ کے ایف سی، میکڈونلڈ، کوک اور پیپسی اسرائیل کو غیرقانونی طور پر فنڈنگ کررہے ہیں، ان کمپنیز کا پاکستان کا بچہ بچہ بائیکاٹ کررہا ہے، لیکن اسلامی جمہوریہ پاکستان میں پی سی بی کے ایف سی سے اسپانسرشپ لے رہا ہے، ہمارا شرم سے سر جھک گیا ہے۔
فیشن ذیزائنر نے کہا کہ پوری دنیا میں عیسائی اور یہودی بھی ان کمپنیز کا بائیکاٹ کرکے بیٹھے ہوئے ہیں لیکن پاکستان میں ہم سیلیبریٹ کررہے ہیں، میرا پاکستانی کو مشورہ ہے کہ پی ایس ایل کا بائیکاٹ کریں، کیوں کہ اسرائیل کی غزہ میں فلسطینیوں کی نسل کشی کوئی مذاق نہیں ہے۔
(کے ایف سی ) کو منافع دینا اپنے مسلمان بھائیوں کے خون کا سودا ہے
جب (کے ایف سی) نے اسرائیلی افواج کی میدان جنگ میں مدد کا اعلان کیا تھا تو غیرت مند مسلمانوں نے بھی (کے ایف سی) کے مکمل بائکاٹ کا اعلان کیا اور ہم نے دیکھا کہ پاکستان سمیت کئی اور ممالک میں ان کے فرینچائز مکمل طور… pic.twitter.com/FMWeoEMeDI
— Saeed Ullah Khan (@JUI_NW) February 19, 2024
واضح رہے کہ بین الاقوامی فوڈ چین (کے ایف سی) جس پر فلسطین میں غیر قانونی اسرائیلی بستیوں کی سرپرستی اور حمایت کا الزام ہے، ان بین الاقوامی برانڈز کی فہرست میں شامل ہے جن کا پاکستان میں بائیکاٹ کیا جا رہا ہے۔
پاکستانی شہریوں نے فلسطین اور غزہ میں اسرائیل کی 5 ماہ سے جاری نسل کشی کے خلاف احتجاج میں کے ایف سی سمیت ان برانڈز کے بائیکاٹ کی عالمی مہم میں بڑھ چڑھ کر شمولیت اختیار کی ہے۔
