راکول پریت نے سندھی رسم و رواج کیساتھ شادی کیوں کی؟ وجہ سامنے آگئی
گووا(قدرت روزنامہ) معروف بھارتی اداکارہ راکول پریت سنگھ اور اداکار و پروڈیوسر جیکی بھگنانی نے سکھ مذہب کے ساتھ ساتھ سندھی رسم و رواج کے مطابق بھی شادی کی .
21 فروری کو بھارتی ریاست گووا میں ساحل سمندر کے کنارے ہونے والی راکول پریت سنگھ اور جیکی بھگنانی کی شادی کی دلکش تصاویر سوشل میڈیا میں گردش کر رہی ہیں، جنہیں مداحوں کی جانب سے بہت پسند کیا جارہا ہے، شادی کی تقریب میں اس جوڑے کے قریبی رشتہ داروں، اہلخانہ اور چند دوستوں نے شرکت کی جن میں بالی ووڈ شخصیات بھی شامل تھیں .
View this post on Instagram
سوشل میڈیا پر راکول پریت سنگھ اور جیکی بھنگنانی کی شادی کے چرچے تو خوب ہورہے ہیں لیکن بہت کم لوگ اس بات سے واقف ہوں گے کہ اس جوڑے کی شادی سندھی رسم و رواج کے مطابق بھی ہوئی .
بھارتی میڈیا کے مطابق راکول پریت سنگھ کا تعلق سکھ مذہب سے ہے جبکہ جیکی بھنگنانی سندھی فیملی سے تعلق رکھتے ہیں، اسی لیے اس جوڑے نے آنند کراج اور سندھی رسم و رواج کے مطابق شادی کی، سکھ مذہب میں شادی کی رسومات کو آنند کراج کہا جاتا ہے .
اس جوڑے نے دونوں شادیوں کے لیے مختلف ملبوسات کا انتخاب کیا، سندھی رسم و رواج کے مطابق شادی کے لیے راکول پریت اور جیکی نے ٹی پنک یعنی ہلکے گلابی رنگ کے ملبوسات زیب تن کیے جبکہ سکھ مذہب کے مطابق کی گئی شادی کے لیے ہاف وائٹ رنگ کے گوٹے اور شیشوں کے کام والے ملبوسات کا انتخاب کیا .
View this post on Instagram
راکول پریت اور جیکی بھنگنانی نے اپنی شادی کی تقریبات کی خوبصورت ویڈیو بھی اپنے انسٹاگرام اکاؤنٹ پر پوسٹ کی جسے مداحوں نے بہت پسند کیا .
View this post on Instagram
سوشل میڈیا پر مداحوں اور بالی ووڈ شخصیات کی جانب سے جیکی بھنگنانی اور راکول پریت سنگھ کو شادی کی مبارکباد دینے کا سلسلہ جاری ہے .
