علی امین گنڈاپور نے وزارت اعلیٰ کیلئے کاغذاتِ نامزدگی جمع کرا دیے

پشاور(قدرت روزنامہ)وزیراعلیٰ خیبرپختونخوا کے انتخاب کے لیے علی امین گنڈاپور نے آزاد حیثیت سے کاغذاتِ نامزدگی جمع کرا دیے۔مسلم لیگ ن کے ہشام انعام اللہ نے بھی وزارت اعلیٰ کیلئے کاغذات جمع کرائے ہیں۔
اس سے قبل آج خیبرپختونخوا اسمبلی میں سنی اتحاد کونسل کے اسپیکر اور ڈپٹی اسپیکر نے منتخب ہو کر حلف اٹھایا تھا۔اسپیکر خیبرپختونخوا اسمبلی کے الیکشن کے لیے 106 ووٹ ڈالے گئے، بابر سلیم سواتی نے 89 اور احسان اللہ میاں خیل نے 17 ووٹ لیے۔
علاوہ ازیں سنی اتحاد کونسل کی ثریا بی بی ڈپٹی اسپیکر خیبرپختونخوا اسمبلی منتخب ہوئیں، انہیں 87 ووٹ ملے جبکہ پی ٹی آئی پارلیمنٹیرینز کے ارباب وسیم کو 19 ووٹ ملے۔