ثانیہ مرزا نے انسٹاگرام پر ذومعنی پیغام جاری کرتے ہوئے مداحوں کو کشمکش میں ڈال دیا

نئی دہلی (قدرت روزنامہ) معروف بھارتی سابق ٹینس سٹار ثانیہ مرزا نے اپنے ذو معنی پوسٹ میں خطرناک عادت سے متعلق ایک انکشاف کیا ہے .

انسٹاگرام پر ثانیہ مرزا کی جانب سے ایک سٹوری اپلوڈ کی گئی جس میں ان کا کہنا تھا کہ ’میری ایک بُری عادت ہے، میں یہ فرض کر لیتی ہوں کہ لوگوں میں عام شعور (Common Sense) ہوگا‘ .

ثانیہ مرزا نے اپنی اس بُری عادت کے بارے میں مزید لکھا ’لیکن میں اُس وقت آگ بگولا ہو جاتی ہوں جب مجھے علم ہوتا ہے کہ اُن لوگوں میں Common sense نہیں ہے .

ثانیہ مرزا کی یہ پوسٹ سوشل میڈیا صارفین کو ذو معنی معلوم ہو رہی ہے، جبکہ اس سے اگلی سٹوری میں ثانیہ شوٹنگ میں مصروف دکھائی دے رہی ہیں .

اس پوسٹ میں ثانیہ نے لکھا کہ میک اپ بائے عالیہ بیگ، اس موقع پر ثانیہ کسی خاص موقع کی شوٹنگ میں مصروف دکھائی دیں .

اس سے قبل ثانیہ نے ایک اور پوسٹ بھی کیا تھا جس میں انہوں نے اداکارہ دپیکا پڈوکون کا شکریہ ادا کیا تھا، اداکارہ نے ثانیہ مرزا کو خواتین کے عالمی دن کی مناسبت سے تحفہ دیا تھا .

اس سے قبل بھی ثانیہ مرزا نے ایسی کئی پوسٹ کی ہیں، جن میں وہ اپنے یادگار لمحات کو اپنی فیملی کے ہمراہ انجوائے کرتی دکھائی دی ہیں .