رمضان میں مزدوروں کی مختلف شہروں میں یومیہ اجرت کتنی ہے؟

اسلام آباد (قدرت روزنامہ)رمضان المبارک میں مزدوروں کی مختلف شہروں میں یومیہ اجرت کی تفصیلات سامنے آگئیں۔ادارہ شماریات کے دستاویز کے مطابق ملک بھر میں مزدور کی اوسطاً یومیہ اجرت 1134 روپے ہے۔ سکھر اور لاڑکانہ میں مزدور کی یومیہ اجرت 800 جبکہ کراچی میں1441 روپے ہے۔
دستاویز کے مطابق اسلام آباد اور راولپنڈی میں مزدور کی یومیہ اجرت 1500 روپے ہے جبکہ گجرانوالہ اور فیصل آباد میں مزدور کی یومیہ اجرت 1200 روپے ہے۔ادارہ شماریات کے مطابق لاہور میں یومیہ اجرت 1452 جبکہ بہاولپور میں یومیہ اجرت 900 اور ملتان میں 932 روپے ہے۔
دستاویز کے مطابق حیدرآباد میں مزدور کی یومیہ اجرت965 جبکہ پشاور میں 1000 اور بنوں میں 900 روپے ہے۔ادارہ شماریات کے مطابق سکھر میں مستری کی سب سے کم یومیہ اجرت 1500 روپے ہے، راولپنڈی میں مستری کی سب سے زیادہ یومیہ اجرت 2151 روپے ہے۔
دستاویز کے مطابق مستری کی ملک بھر میں اوسطاً یومیہ اجرت 1831 روپے ہے جبکہ ملک بھر میں پینٹر کی اوسطاً یومیہ اجرت1601 اور پلمبر کی 1659 روپے ہے۔