لاہور / لاہور(قدرت روزنامہ) پاکستانی شوبز انڈسٹری کی معروف اداکارہ سجل علی کو صدارتی ایوارڈ ملنے پر بھارتی اداکاراؤں کی جانب سے مبارکباد دی گئی ہے۔ 23 مارچ یوم پاکستان کے موقع پر ایوان صدر میں ملک کے لیے نمایاں خدمات سر انجام دینے والے افراد کو صدارتی و سول ایوارڈز دینے کی تقریب منعقد ہوئی تھی۔
ان افراد میں شعبہ ادب، موسیقی، فن و ثقافت سے تعلق رکھنے والے مایہ ناز فنکار بھی شامل تھے، جنہیں ان کی گراں قدر خدمات سر انجام دینے پر صدارتی اعزازات سے نوازا گیا۔اس موقع پر پاکستان کی خوبرو اور باصلاحیت اداکارہ سجل علی کو ‘تمغہ امتیاز’ سے نوازا گیا، اداکارہ کو گورنر پنجاب بلیغ الرحمان کی جانب سے تمغہ امتیاز دیا گیا۔
سجل علی نے اپنے آفیشل انسٹاگرام اکاؤنٹ پر اپنی ویڈیو پوسٹ کی جس میں اُنہیں ‘تمغہ امتیاز’ سے نوازا جارہا ہے، اداکارہ نے اپنی پوسٹ میں کہا کہ میں تمغہ امتیاز حاصل کرکے واقعی خود کو خوش قسمت محسوس کررہی ہوں۔
اداکارہ نے کہا کہ میں اس کامیابی پر اللہ تعالیٰ کی شکرگزار ہوں اور ساتھ ہی اپنے خاندان اور تمام مداحوں کا بھی تہہ دل سے شکریہ ادا کرتی ہوں۔ اُنہوں نے کہا کہ میں اپنی مرحوم والدہ کی مقروض ہوں کیونکہ میں اُن کی محنت اور دُعاؤں کی بدولت ہی اس مقام تک پہنچی ہوں۔
سجل علی کی اس شاندار کامیابی پر جہاں پاکستانی شوبز ستاروں نے خوشی کا اظہار کیا تو وہیں سرحد پار بھارت سے بھی اداکارہ کو مبارکباد دی گئی۔
بھارتی اداکارہ سونم باجوہ نے کہا کہ سجل آپ اس اعزاز کی حقدار ہیں، میں آپ کی سب سے بڑی مداح ہوں۔ بھارتی اداکارہ سیمی چہل نے بھی سجل علی کی پوسٹ پر تبصرہ کرتے ہوئے اُنہیں اس اعزاز کی صحیح حقدار قرار دیا۔
دبئی (قدرت روزنامہ )انٹرنیشنل کرکٹ کونسل (آئی سی سی) نے ٹی20 ورلڈکپ سے قبل وارم…
اسلام آباد(قدرت روزنامہ)سپیکر قومی اسمبلی ایاز صادق نے معافی کے باوجود طارق بشیر چیمہ کو…
اسلام آباد(قدرت روزنامہ) سینیٹر فیصل واوڈا کی پریس کانفرنس پر ازخود نوٹس کیس میں سپریم…
لاہور (قدرت روزنامہ) پاکستانی معروف ہدایت کار، پروڈیوسر، اسکرین رائٹر و اداکار نبیل ظفر نے…
اسلام آباد(قدرت روزنامہ) اسلام آبا ہائی کورٹ نے شاعر احمد فرہاد لاپتا کیس میں سیکریٹٰری…
لاہور (قدرت روزنامہ) پاکستانی خوبرو اداکارہ، ماڈل و معروف ٹک ٹاکر جنت مرزا نے انکشاف…