وزیر پورٹس اینڈ شپنگ نے بھی بھارت سے تجارت کی حمایت کر دی
اسلام آباد (قدرت روزنامہ)وفاقی وزیر خارجہ اسحاق ڈار کے بعد وفاقی وزیر پورٹس اینڈ شپنگ نے بھی بھارت کے ساتھ تجارت کی حمایت کردی۔
نجی ٹی وی کے پروگرام میں وفاقی وزیر قیصر احمد شیخ اور تحریک انصاف کے عاطف خان نے شرکت کی،اس دوران وفاقی وزیر پورٹس اینڈ شپنگ قیصر احمد شیخ نے بھارت کے ساتھ تجارت کی حمایت کی۔
وفاقی وزیر نے مزید کہا کہ پاکستان کی بزنس کمیونٹی بھارت سے تجارت کے حق میں ہے تاہم پڑوسی ملک سے ٹریڈ کے معاملہ پر ابھی کابینہ میں زیربحث نہیں آیا۔
رکن قومی اسمبلی تحریک انصاف عاطف خان نے کہا کہ بھارت سے تجارت کے معاملے پر پارلیمنٹ میں بحث ہونی چاہیے۔