ملک کے مختلف حصوں میں انٹرنیٹ کی سروسز متاثر
صارفین نے لاہور، کراچی اور راولپنڈی سے پی ٹی سی ایل کی سروس متاثر ہونے کا رپورٹ کیا، اسی طرح ٹرانس ورلڈ ہوم کی سروسز میں شکایت کی رپورٹ لاہور، کراچی راولپنڈی اور پشاور سے کی گئی، جبکہ نیاٹیل کے راولپنڈی، لاہور اور اوکاڑہ کے قریب سے انٹرنیٹ میں مسائل کو رپورٹ کیا . صارفین کو ایک ای میل میں، جسے ڈان ڈاٹ کام نے دیکھا، ٹرانس ورلڈ ہوم نے کہا کہ غیر متوقع بندش سے پاکستان میں انٹرنیٹ سروسز کو متاثر ہوئی ہیں . سروسز میں خلل پر معذرت کرتے ہوئے اس میں کہا گیا کہ ہماری ٹیم مسئلے کا پتا لگانے کی کوششیں کر رہی ہے اور جیسے ہی بندش کا مسئلہ حل ہوتا ہے تمام سروسز بحال کردیں گے . آج انٹرنیٹ سروسز میں خلل ایسے وقت میں سامنے آیا ہے، جب 17 فروری سے ملک میں سوشل میڈیا پلیٹ فارم ایکس تک رسائی بڑے پیمانے پر متاثر رہی ہے، جب سابق کمشنر راولپنڈی لیاقت علی چٹھہ نے میڈیا کے سامنے یہ دعویٰ کیا تھا کہ انتخابات میں دھاندلی ہوئی ہے . . .
