پولیس اہلکار کے تشدد کا شکار خاتون کو ٹرین سے دھکا دے کر قتل کرنے کا انکشاف

فیصل آباد(قدرت روزنامہ)پولیس اہلکار کے تشدد کا نشانہ بننے والی خاتون کو چلتی ٹرین سے دھکا دے کر قتل کیے جانے کا انکشاف ہوا ہے۔
پولیس حکام کے مطابق خاتون کی لاش بنی گوٹھ ریلوے اسٹیشن کے قریب سے ملی۔ اپریل کی 7 تاریخ کو ریلوے پولیس کا اہلکار تشدد کے بعد خاتون کو ساتھ لے کر گیا تھا۔ خاتون کا تعلق جڑانوالہ سے ہے۔ خاتون پر تشدد کرنے والا اہلکار ضمانت پر رہا ہے۔
ذرائع کے مطابق خاتون کو قتل کرکے چلتی ٹرین سے نیچے پھینکا گیا۔ ریلوے پولیس کا کہنا ہے کہ خاتون پر تشدد کرنے والے اہلکار میر حسن کے خلاف مقدمہ درج کرکے تحقیقات شروع کردی گئی ہیں۔
مقتولہ کے بھائی نے بیان میں کہا کہ مریم بی بی کراچی میں بیوٹی پارلر میں ملازمت کرتی تھی اور عید کی چھٹیوں پر گھر واپس آ رہی تھی۔ خاتون اور بچوں پر ٹرین میں ریلوے پولیس اہلکار کے تشدد کی ویڈیو سوشل میڈیا پر وائرل ہوئی تھی۔