کوئٹہ اور اطراف میں بہت بارش ہوئی‘کوئٹہ میں برساتی نالوں پر بہت تجاوزات ہیں‘کمشنر کوئٹہ حمزہ شفقات‘ڈی جی پی ڈی ایم اے جہانزیب خان

کوئٹہ (قدرت روزنامہ)کوئٹہ اور اطراف میں بہت بارش ہوئی ہے۔کوئٹہ میں برساتی نالوں پر بہت تجاوزات ہیں ۔کمشنر کوئٹہ حمزہ شفقات اور ڈی جی پی ڈی ایم اے جہانزیب خان کی پریس کانفرنس ‘ جب تجاوزات کیخلاف کارروائی کرینگے تو میڈیا ان کو بھی کوریج دیں ۔ایم اے جہانزیب خان نے کہاکہ جب میٹروپولیٹن اور پی ڈی ایم اے اہلکار کام کرتے ہیں تو ان کی حوصلہ افزائی ضروری ہے ۔ اگر ہم نے تجاوزات کیخلاف کارروائی نہیں کی تو آئندہ دوبارہ یہ صورتحال کا سامنا کرنا پڑے گا ۔
اس موقع پر کمشنر کوئٹہ حمزہ شفقات نے کہاکہ کوئٹہ میں 156 ملی میٹر بارش ہوئی ہیں ۔کوئٹہ کے 82 برساتی نالوں نے تجاوزات کی وجہ سے 40 کی بجائے صرف 20 فٹ کے رہ گئے ہیں ۔ برساتی نالوں میں تجاوزات کی وجہ سے نقصانات زیادہ ہوئے ہیں ۔تجاوزات کیخلاف کارروائی ہی واحد حل ہے ۔
پی ڈی ایم اے کے 8 اور میٹروپولیٹن کے 6 ٹیمیں کام کررہی ہیں ۔اگر کوئی رکاوٹیں نہ ہوئی تو ہم تجاوزات ختم کرسکے گئے۔بارش کے دوران ڈیوٹی سے غیر حاضر 127 افراد کو نکال چکے ہیں ۔ بارش میں ہنگامی صورتحال میں غفلت پر مزید 200 ملازمین کو نکالنے جارہے ہیں ۔