حج 2024 کے تمام انتظامات مکمل، حج فلائیٹ آپریشن 9مئی سے شروع ہوگا
اسلام آباد (قدرت روزنامہ)وزارت مذہبی امور نے حج 2024 کے تمام انتظامات مکمل کرلیے، حج آپریشن کے تمام انتظامات کو حتمی شکل دیدی گئی ہے . حج فلائیٹ آپریشن 9 مئی سے ملک بھر میں شروع ہوگا اور 9 جون تک بغیر کسی تعطل کے جاری رہے گا .
وزارت مذہبی امور کے مطابق 9مئی سے 9جون تک ملک بھر کے 8 ائیرپورٹس پر حج آپریشن ہوگا، جن میں اسلام آباد، لاہور، کراچی، ملتان، کوئٹہ، سکھر، سیالکوٹ، رحیم یار خان ائیرپورٹ شامل ہیں . پشاور کے عازمین اسلام آباد ایئرپورٹ سے، فیصل آباد کے عازمین لاہور ایئرپورٹ سے سعودی عرب جائیں گے، کراچی اور اسلام آباد ایئرپورٹ پر پہلی بار روڈ ٹو مکہ سروس شروع ہوگی .
روڈ ٹو مکہ پراجیکٹ کے تحت جانے والے عازمین کی امیگریشن پاکستان میں ہوگی، 4 ائیرلائنز حج فلائیٹ آپریشن میں حصہ لیں گی . سعودی ایئرلائین، پی آئی اے، سیرین، ائیربلیو حج فلائیٹ آپریشنز میں شامل ہیں .
خیال رہے عازمین حج کی ویکسینیشن کا عمل 30 اپریل سے 10 حاجی کیمپس پر شروع ہوگا . واضح رہے سرکاری حج سکیم کے تحت 69 ہزار 5 سو عازمین حج حجاز مقدس جائیں گے .
