بلوچ سول سوسائٹی کے کارکن کا اغوا قابل مذمت ہے، ملزمان کو کٹہرے میں لایا جائے، ایچ آر سی پی

کراچی(قدرت روزنامہ)ایچ آر سی پی کو ان رپورٹس پر سخت تشویش ہے کہ بلوچ سول سوسائٹی کے کارکن جمیل عمر کو نامعلوم مسلح افراد نے جبری طور پر لاپتہ کر دیا تھا، جو تربت جاتے ہوئے ان کی گاڑی کے قریب پہنچے اور عمر اور ان کے ساتھی کو اغوا کرنے سے پہلے ان کی گاڑی پر فائرنگ کی۔ اسے فوری طور پر بازیاب کرایا جائے اور اس کے حملہ آوروں کی شناخت کرکے انہیں کٹہرے میں لایا جائے۔