9 مئی کیسز؛ فواد چوہدری کی 14 مقدمات میں عبوری ضمانت منظور
اسلام آباد(قدرت روزنامہ) سابق وفاقی وزیر فواد چوہدری کی جی ایچ کیو حملہ سمیت سانحہ 9 مئی کے 14 مقدمات میں عبوری ضمانت منظور کرلی گئی .
انسداد دہشت گردی کی خصوصی عدالت کے جج ملک اعجاز آصف نے سماعت کی .
فواد چوہدری بھی عدالت پیش ہوئے جبکہ پیروی فیصل چوہدری ایڈووکیٹ نے کی . عدالت نے تمام کیسز میں پولیس کو گرفتاری سے بھی روک دیا ہے .
خصوصی عدالت نے تمام مقدمات میں شخصی گارنٹی پر عبوری ضمانت منظور کر لی جبکہ تمام متعلقہ تھانوں کو نوٹس جاری کرکے 30 اپریل کو کیسز کا ریکارڈ طلب کرلیا .
