پاکستان بمقابلہ نیوزی لینڈ، دوسرا T20 آج کھیلا جائے گا
اسلام آباد (قدرت روزنامہ)پاکستان اور نیوزی لینڈ کے درمیان دوسرا ٹی ٹوئنٹی انٹرنیشنل آج راولپنڈی میں کھیلا جائے گا .
گزشتہ روز اسلام آباد اور راولپنڈی میں بارش کی وجہ سے کیوی ٹیم کا آپشنل ٹریننگ سیشن منسوخ کردیا گیا تھا، کھلاڑی ہوٹل میں ٹیلی ویژن پر رگبی میچ دیکھ کر محظوظ ہوئے .
پاکستانی کھلاڑیوں نے آرام کیا، امکان ہے آج کھیلے جانے والے میچ میں پاکستان ٹیم بغیر کسی تبدیلی کے میدان میں اترے گی . راولپنڈی میں بارش کی وجہ سے پہلے ٹی ٹوئنٹی میں صرف دو گیندیں پھینکی جا سکیں تھیں . دونوں ٹیموں کے درمیان دوسرا ٹی ٹوئنٹی میچ آج شام 7 بجے پنڈی کرکٹ اسٹیڈیم میں کھیلا جائے گا . واضح رہے کہ پاکستان اور نیوزی لینڈ کے درمیان پانچ میچز کی سیریز کے تمام میچز جیو سپر براہ راست نشر کررہا ہے . . .
