بلوچستان صوبائی کابینہ نے سرکاری سطح پر گندم خریداری کی منظوری دے دی

کوئٹہ (قدرت روزنامہ)وزیر اعلٰی بلوچستان میر سرفراز بگٹی کی زیر صدارت صوبائی کابینہ کا دوسرا اجلاس،بلوچستان کی تاریخ میں پہلی مرتبہ بار دانہ کی خریداری کے طریقہ کار کو تبدیل کرنے کا فیصلہ، حسب ضرورت جدید ماحول دوست بیگز خریدے جائیں گے، کابینہ کا فیصلہ آئندہ مالی سال سے کاشتکاروں کو بار دانہ کی فراہمی کے بجائے رقم ادا کی جائے گی، صوبائی کابینہ نے آئندہ سال سے سرکاری سطح پر بار دانہ کی خریداری ختم کرنے کا فیصلہ کرلیا ، محکمہ خوراک کے پاس دستیاب 58000 باردانہ شفاف طریقے سے تقسیم کیا جائے گا، صوبائی کابینہ نے سرکاری سطح پر گندم خریداری کی منظوری دے دی .
محکمہ خوراک رواں سال پانچ لاکھ میٹرک ٹن گندم خریدے گا، صوبائی کابینہ نے بلوچستان میں گندم کی امدادی قیمت مقرر کرنے کی منظوری دے دی، بلوچستان میں گندم کی امدادی قیمت سندھ کے مساوی ہوگی ، فیصلہ بلوچستان سے گندم کی اسمگلنگ سندھ کی جانب روکنے کے لئے کیا گیا .

وزیر اعلٰی بلوچستان نے گندم خریداری میں شفافیت کو یقینی بنانے کے لیے اراکین اسمبلی پر مشتمل مانیٹرنگ کمیٹی قائم کردی . بار دانہ میں کرپشن ہوتی ہے جسے روکیں گے، وزیراعلٰی بلوچستان میر سرفراز بگٹی تمام خریداری مراکز میں بار دانہ کی دستیابی کو یقینی بنایا جائے وزیر اعلٰی بلوچستان کی سیکرٹری خوراک کو ہدایت . بار دانہ سنٹرز سے باہر نہیں جائے گا . محکمہ خوراک سے کرپشن کا دھبہ صاف کرنا ہوگا . گندم کی خریداری صرف منظور شدہ مراکز پر ہوگی . مراکز پر پہلے آئیے پہلے پائیے کی بنیاد پر گندم خریداری ہوگی . کابینہ نے بلوچستان پولیس کے شہداء کے لئے پانچ سو ملین روپے کی گرانٹ کی منظوری دے دی .