آصف زرداری حکومت کے لیے تقویت ہیں، رہنما ن لیگ خرم دستگیر

اسلام آباد(قدرت روزنامہ)پاکستان مسلم لیگ ن کے سینئر مرکزی رہنما خرم دستگیر نے کہا ہے کہ جب تک آصف زرداری ایوان صد ر میں ہیں وہ حکومت کیلئے تقویت ہیں۔
خرم دستگیر نے کہا کہ وزیراعظم اپنی توجہ عوام کو مہنگائی سے چھٹکارا دلوانے پر رکھیں گے، اس وقت حکومت کی اولین ترجیحات میں عام کو عوام کو زیادہ سے زیادہ ریلیف فراہم کرنا ہے۔انہوں نے کہا کہ پاکستان تحریک انصاف کی مکمل پالیسی تشدد کی بنیاد پر ہے ، اگر یہی ان کی پالیسی رہی تو پھر پی ٹی آئی سے بات چیت نہیں کی جائے گی ۔اگریہ واقعی ہی بات کرنا چاہتے ہیں تو پارلیمان میں آ کر کریں۔تحریک انصاف کے 2014کے دھرنے میں ان کا ایک لیڈر بات چیت کرنے کا کہتا تھا تو دوسرا ٹانگیں توڑنے کی بات کرتا تھا۔