بھارتی فائٹر کو تھپڑ کیوں مارا ؟ شاہ زیب رند نے بتادیا

دبئی (قدرت روزنامہ)پاکستانی کراٹے فائٹر شاہ زیب رند نے کہا ہے کہ فائٹ سے پہلے پریس کانفرنس ہوتی ہے، بھارتی فائٹر سوشل میڈیا پر بھی پاکستان کے خلاف نامناسب باتیں کر رہا تھا .
دبئی میں ہونے والے کراٹے کامبیٹ کے 45 کلو گرام کیٹیگری والے مقابلوں میں پاکستان کے شاہ زیب رند نے بھارت کے رانا سنگھ کو 20 سیکنڈ میں ہی روند ڈالا تھا .

جیو نیوز کے پروگرام جیو پاکستان میں گفتگو کرتے ہوئے شاہ زیب رند نے کہا کہ بھارتی فائٹر نے پریس کانفرنس میں بھی نامناسب الفاظ استعمال کئے تھے، بھارتی فائٹر نے گالی دی تھی اور مجھے دھکا دیا تو میں نے تھپڑ مارا، میں نے بھارتی فائٹر کو تھپڑ مارا تھاکہ اس کے ہوش ٹھکانے آجائیں . انہوں نے کہا کہ اس فائٹ کے لئے بہت محنت کی تھی، امریکا میں ٹریننگ کی، بھارتی فائٹر سے فائٹ میں پریشر بالکل نہیں لیا، فائٹ جیتنے کے بعد بھارتی اداکار سلمان خان سے ملاقات ہوئی . شاہ زیب رند نے کہا کہ سلمان خان نے میرے پہلے بھی دو تین مقابلے دیکھے تھے، سلمان خان بہت خوش تھے، انہوں نے مجھ سے کہا کہ ہر کسی کو 20 سکینڈ میں ناک آو¿ٹ کردیتے ہو . شاہ زیب رند نے کہا کہ فائٹ جیتنے کے بعد پاکستان اور بھارت کا پرچم اٹھایا جو ایک پیغام تھا، بھارتی فائٹر کے رویے پر میرا پیغام تھا کہ پتھر کا جواب ہم پھول سے دیں گے .
پاکستانی کراٹے فائٹر نے کہا کہ میرے مخالف کا ریکارڈ مجھ سے ڈبل تھا لیکن میں نے پریشر نہیں لیا، بچپن سے ہی مارشل آرٹ میں ہوں، 8 سال کی عمر سے کھیلنا شروع کیا، میں پہلا پاکستانی ہوں جو امریکی لیگ میں کھیلا ہوں . شاہ زیب رند کا مزید کہنا تھا کہ میری کوشش ہوتی ہے کہ پاکستان اور بلوچستان کا کلچر دنیا میں پہنچاو¿ں، کوشش ہے کہ پاکستان کا مثبت امیج دنیا میں اجاگر کروں .