پیپلز پارٹی امیدوار کا احتجاجی مظاہرہ، پی بی 9کوہلو پر جانبدار عملے کی تعیناتی کا الزام

کوہلو(قدرت روزنامہ)حلقہ پی بی 9کوہلو پر ری پولنگ کا معاملہ، پاکستان پیپلز پارٹی کا جانبدار عملے کی تعیناتی کا الزام، ڈی سی ہاو¿س کے سامنے احتجاجی دھرنا ، احتجاجی دھرنے سے خطاب کرتے ہوئے امیدوار پیپلز پارٹی میر نصیب اللہ مری کا کہنا تھا کہ جانبدار عملہ تعینات کرکے انتخابی نتائج پر اثر انداز ہونے کی کوشش کی جارہی ہے ، 16 فروری کو جانبدار عملہ تعینات کرکے بدترین دھاندلی کی گئی ، الیکشن کمیشن آف پاکستان اور سپریم کورٹ نے 16 فروری کے نتائج کو کالعدم قرار دیا ہے ،
انہوں نے مزید کہا کہ جانبدار عملہ تعینات کرکے ایک بار نتائج تبدیل کرنے کی کوشش کی جارہی ہے ، غیر جانبدار عملے کی تعیناتی تک احتجاجی دھرنا جاری رہے گا ، کالعدم تنظیموں کی دھمکیوں کے باوجود انتخابی عمل میں بھرپور طریقے سے حصہ لیا ، میرا قصور یہ ہے کہ میں نے پاکستان زندہ باد کا نعرہ لگایا ہے ، امن وامان کی بحالی میں میرے خاندان نے قربانیاں دی ہیں ، پیپلز پارٹی کے امیدوار کا مزید کہنا تھا کہ جمہوری عمل کو کسی صورت سبوتاڑ نہیں ہونے دینگے .

.