قومی اسمبلی اجلاس:تہمینہ دولتانہ نے شیخ وقاص اکرم کو لوٹا قرار دے دیا

اسلام آباد (قدرت روزنامہ)قومی اسمبلی اجلاس میں اظہار خیال کے دوران تہمینہ دولتانہ نے سنی اتحاد کونسل کے رکن شیخ وقاص اکرم کو لوٹا قرار دے دیا .
انہوں نے کہا کہ سنی اتحاد کونسل کے ارکان کو مخاطب کرتے ہوئے کہا کہ وقاص شیخ آج تمہارے پاس ہے، کل ہمارے پاس تھا ، نجانے کہاں جائے گا,لیگی رکن اسمبلی کے جملوں کے بعد سنی اتحاد کونسل اراکین نے احتجاج شروع کردیا، جس پر تہمینہ دولتانا نے کہ کہ چیخنے چلانے سے کچھ نہیں ہو گا چھوٹے منے بھائیو .

تہمینہ دولتانہ کا مزید کہنا تھا کہ زراعت ملک کو اٹھانے کا سب سے بہترین ذریعہ ہے،نگران حکومت کے فیصلے ہمارے اوپر نہیں ڈالے جا سکتے .

شیخ وقاص اکرم کو اسمبلی فلور پر بات کرنے کا موقع ملاتو انہوں نے بھی بھرپور جواب دیا، کہامیں مشرف کے ساتھ تھامجھے اس پر کوئی ملال نہیں، میں نے پیپلز پارٹی کے سامنے چوڑیاں اور چادریں نہیں پھینکیں .