لاہور میں جرمن سفیر کی تقریر کے دوران فلسطین کے حامی مظاہرین کا شور شرابا
لاہور (قدرت روزنامہ)لاہور میں ہونے والی انسانی حقوق کی کانفرنس میں فلسطین کے حامی نوجوانوں نے جرمن سفیر کی تقریر کے دوران رکاوٹیں ڈالیں اور غزہ کے عوام کی حمایت میں نعرے لگائے .
لاہور کے مقامی ہوٹل میں 5 ویں عاصمہ جہانگیر کانفرنس کا آغاز ہوگیا جس میں غیر ملکی سفارتکاروں سمیت معروف شخصیات شریک ہیں .
وفاقی وزیر قانون اعظم نذیر تارڑ، سپریم کورٹ کے سینئر جج جسٹس منصور علی شاہ نے بھی تقریب میں شرکت کی .
PSC exposed the hypocrisy of German Ambassador questioning him on the role of Germany in Palestinian Genocide. The organizers of AJ Conf forcefully silenced the voices of students while platforming the facilitators of Pal Gen. #Ajconference #FreePalestine #germanambassador pic.twitter.com/lKuywPQ489
— Progressive Students’ Collective (@PSCollective_) April 27, 2024
پاکستان میں جرمنی کے سفیر الفریڈ گراناس کے تقریر شروع کرتے ہی شرکا میں سے چند نوجوانوں نے اٹھ کر اونچی آواز میں مکالمہ شروع کردیا . طالب علموں کی جانب سے غزہ اور فلسطین کے حق میں نعرے بھی لگائے گئے .
نوجوانوں نے فری فری فلسطین کے نعرے لگائے . اونچی آواز میں بولنے پر جرمنی کے سفیر خود پر قابو نہ رکھ سکے اور نوجوانوں کو ڈانٹ دیا . کانفرنس کے منتظمین نے فلسطین کے حق میں بات کرنے والے نوجوانوں کو انسانی حقوق کانفرنس سے نکال دیا .
young human rights activists disrupt the german ambassadors speech during the Asma Jahangir Conference for their role in the genocide in Gaza pic.twitter.com/pLGIj2sz7Z
— ArafatMazhar 🤖 (@ArafatMazhar) April 27, 2024
سابق صدر سپریم کورٹ بار احسن بھون نے عاصمہ جہانگیر کانفرنس سے خطاب کرتے ہوئے کہا کہ دنیا کی بڑی یونیورسٹیوں میں اس ہفتے فلسطین کے حق میں احتجاج پر لوگوں کو گرفتار کیا گیا ہے، عاصمہ جہانگیر آمریت کے خلاف کھڑی ہوتی رہیں .
