کراچی(قدرت روزنامہ)ہوائی اڈوں کی آؤٹ سورسنگ میں مختلف ممالک نے اظہار دلچسپی کردی۔
وزیر خارجہ اسحاق ڈار نے اقتصادی سفارت کاری کو بڑھانے اور بیرون ممالک کیساتھ تجارتی اور سرمایہ کاری کے تعلقات کو فروغ دینے کی کوششوں کی ضرورت پر زور دیا اورہوائی اڈوں کی آؤٹ سورسنگ کیلیے بیرون ملک پاکستانی مشنز کے ذریعے کی جانے والی مارکیٹنگ کو بہتر بنانے کی کوششوں پر ہونیوالی پیش رفت کا جائزہ لینے کے لیے مشنز کے سربراہان کے ساتھ آن لائن اجلاس کی صدارت کی۔
اجلاس میں بتایا گیا کہ ترکیہ، ملائیشیا، متحدہ عرب امارات، قطر، کویت کی جانب سے اسلام آباد انٹرنیشنل ایئرپورٹ میں خصوصی دلچسپی اور پیرس، سپین، جرمنی، برطانیہ اورسوئٹزرلینڈ کے معروف ایئرپورٹ آپریٹرز نے بھی مثبت دلچسپی ظاہرکردی۔
ترجمان سول ایوی ایشن اتھارٹی کے مطابق بیرون ملک پاکستان مشنز کے ذریعے عالمی مارکیٹ میں ایئرپورٹ آؤٹ سورسنگ کی کوششوں کے حوالے سے جائزہ اجلاس ہوا، بعدازاں ہوائی اڈوں کی آؤٹ سورسنگ پر سٹیئرنگ کمیٹی کی 9ویں میٹنگ ہوئی۔
وزیرخارجہ اسحاق ڈار نے پاکستان ایمبسیز/ مشنز کے سربراہان/سفیروں کے ساتھ آن لائن میٹنگ کی، سیکرٹری ایوی ایشن / ڈی جی سی اے اے نے اس حوالے سے پیش رفت کا جائزہ پیش کیا، اجلاس میں ہوائی اڈوں پر سروس کے معیار کی بہتری کے لیے عالمی کنسلٹنٹس کے تیار کردہ (کے پی ائی) اور بنچ مارکس کا بھی جائزہ لیا گیا۔
وزیر خارجہ نے (آئی ایف سی) کو لاہور اور کراچی ایئرپورٹ آؤٹ سورسنگ کو مقررہ مدت کے اندر مکمل کرنے کی ہدایت کی،آئی ایف سی کے مطابق غیر ملکی سرمایہ کار اسلام آباد انٹرنیشنل ایئرپورٹ کی بولی کے عمل میں گہری دلچسپی ظاہر کر رہے ہیں۔
بشکیک(قدرت روزنامہ)کرغزستان سے پرواز تقریباً 140 پاکستانی طلبا کو لے کر لاہور ائیرپورٹ پہنچ گئی،…
اسلام آباد(قدرت روزنامہ)پاکستان تحریک انصاف (پی ٹی آئی) کے رہنما شیر افضل مروت نے اسحاق…
نئی دہلی (قدرت روزنامہ) دنیا کی نام نہاد سب سے بڑی جمہوریت مسلسل چھٹے سال…
لاہور ( قدرت روزنامہ )وزیر اعلیٰ مریم نواز نے نواز شریف آئی ٹی سٹی پراجیکٹ…
کراچی(قدرت روزنامہ)قومی کرکٹ ٹیم کے سابق کپتان شاہد آفریدی نے کہا ہے کہ ویرات کوہلی…
لاہور( قدرت روزنامہ )وزیراعلیٰ پنجاب مریم نواز نے پاکستان کے پہلے نوازشریف آئی ٹی سٹی…