حالیہ بارشوں اور سیلابی صورتحال سے 21 افراد جاں بحق 25 زخمی ہوئے، پی ڈی ایم اے

اسلام آباد (قدرت روزنامہ)پی ڈی ایم اے نے بلوچستان میں بارشوں کے نقصانات پر رپورٹ جاری کی ہے، جس کے مطابق 12 اپریل سے جاری بارشوں اور سیلابی صورتحال سے 21 افراد جاں بحق جبکہ 25 زخمی ہوئے۔ جاں بحق ہونے والوں میں 7 مرد، 7 خواتین اور 6 بچے شامل ہیں۔ بارشوں سے سب سے زیادہ جانی نقصان چمن میں ہوا۔
رپورٹ میں کہا گیا ہے کہ طوفانی بارشوں اور سیلاب کے باعث 251 گھر مکمل طور پر منہدم ہوئے۔ صوبے میں 1910 مکانات کو جزوی نقصان پہنچا۔ بارشوں سے پیدا ہونیوالی سیلابی صورتحال سے 4 پل اور 14 سڑکیں کو نقصان پہنچا۔
حالیہ بارشوں کے 3 اسپیلز میں 127 جانور بھی ہلاک ہوئے جبکہ سیلابی ریلوں کی وجہ سے 62 ایکڑ پر فصلوں کو بھی نقصان پہنچا ہے۔