اسلام آباد (قدرت روزنامہ)نیو یارک پولیس ڈپارٹمنٹ کے پاکستانی نژاد افسران نے دورہ پاکستان کے موقع پر پاکستانی پولیس اہلکاروں کیلئے اہم تجاویز پیش کردیں۔
پاکستانی نژاد امریکی پولیس افسران کا کہنا تھا پاکستانی پولیس محنتی ہے مگر فنڈز اور وسائل کے فقدان کی وجہ سے جرائم پر قابو پانا چیلنج ہے۔
ان کا کہنا تھا کہ پاکستان میں پولیس کا کام زیادہ اور تنخواہ کم ہے، عوام کے ساتھ رابطہ بڑھانے کیلئے پولیس کو اپنا رویہ نرم کرنے کی ضرورت ہے۔
نیویارک پولیس کے ڈیٹیکٹو روحیل خالد نے کہا کہ ہر ملک کے اپنے چیلنجز ہوتے ہیں، پاکستان کے مختلف شہروں میں جا کر بہت اچھا لگا، چوری کی وارداتوں کا سراغ لگانے کے حوالے سے پاکستانی پولیس کو کچھ تجاویز دی ہیں۔
لیفٹیننٹ محمد عشرت کا کہنا تھا کہ پاکستان غیرملکیوں کیلئے بہت محفوظ ملک ہے، البتہ یہاں ٹریفک کنٹرول کا نظام بوسیدہ ہے، لوگوں میں تاثر ہے کہ نیویارک میں جرائم کم ہیں حالانکہ ایسا نہیں تاہم ان کے پاس وسائل زیادہ ہیں جن کی مدد سے وہ جلد مجرموں کا کھوج لگا لیتے ہیں۔
لیفٹیننٹ احتشام خان نے کہا کہ پاکستان میں پولیس کی تنخواہ کم اور کام بہت زیادہ ہے، عوام کے ساتھ رابطہ بہترکرنے کیلئے پولیس کو اپنا رویہ نرم کرنے کی ضرورت ہے، امریکا میں مختلف مراحل میں پولیس ٹریننگ ہوتی ہے، پاکستان میں ایسا نہیں ہے۔
نیویارک کے پولیس افسران نے دورہ پاکستان کے دوران یونیفارم میں کراچی میں مزار قائد پر حاضری بھی دی۔
اسلام آباد (قدرت روزنامہ)گورنر سندھ کامران ٹیسوری نے بشکیک میں پھنسے سندھ سے تعلق رکھنے…
لاہور(قدرت روزنامہ)وزیراعلیٰ پنجاب مریم نواز کی ہدایات پرتمام صحافتی تنظیموں کے نمائندوں کو آج پنجاب…
اسلام آباد (قدرت روزنامہ)ہیلی کاپٹر حادثے کا شکار ہونے والے ایرانی صدر ابراہیم رئیسی 2021…
اسلام آباد (قدرت روزنامہ)ایران کے صدر ابراہیم رئیسی کے ہیلی کاپٹر حادثے میں جاں بحق…
اسلام آباد (قدرت روزنامہ)ایرانی میڈیا نے ہیلی کاپٹر حادثے میں صدر ابراہیم رئیسی کے جاں…
اسلام آباد (قدرت روزنامہ)اینٹی بائیوٹک ادویات کے خلاف مزاحمت رکھنے والے بیکٹیریا کی وجہ سے…