لاہور: پولیس اور وکلا میں تصادم کا مقدمہ درج، پاکستان بار کونسل کی آج ملک گیر ہڑتال
اسلام آباد (قدرت روزنامہ)گزشتہ روز لاہور کے علاقے جی پی او چوک میں پولیس اور وکلا کے درمیان تصادم کا مقدمہ درج کرلیا گیا .
انسپکٹر جاوید کی مدعیت میں تھانہ پرانی انارکلی میں مقدمہ درج کیا گیا، مقدمے میں روڈ بلاک، تشدد ، کارسرکار میں مداخلت کی دفعات شامل کی گئیں ہیں .
ایف آئی آر کے مطابق وکلا کی بڑی تعداد پولیس پر حملہ آور ہوئی، وکلا کے حملے میں ایس ایچ او نیو انارکلی، ایس ایچ اواچھرہ سمیت 5 اہلکار زخمی ہوئے . یاد رہے کہ 8 مئی کی دوپہر ایک بجے کے قریب عدالتوں کی منتقلی اور وکلا پر دہشتگری کے مقدمات کے خلاف لاہور ہائی کورٹ کے باہر لاہور بار ایسوسی ایشن نے ریلی نکالی تھی . مطالبات کی منظوری کے لیے وکلا نے لاہور ہائی کورٹ کی عمارت میں داخل ہونے کی کوشش کی جس پر مظاہرین اور پولیس کے درمیان تصادم شروع ہوگیا . جس پر پولیس نے ریلی پر لاٹھی چارج اور آنسو گیس کی شیلنگ کردی تھی اور تقریباً 30 وکلا کو گرفتار کرلیا تھا، جبکہ پاکستان بار کونسل نے آج ملک گیر ہڑتال کا اعلان کیا ہے . . .
