9 مئی کا واقعہ انتہائی قابل مذمت اور افسوسناک ہے، وزیر اعلیٰ سندھ مراد علی شاہ

کراچی (قدرت روزنامہ)وزیر اعلیٰ سندھ مراد علی شاہ نے کہا ہے کہ 9 مئی کا واقعہ انتہائی قابل مذمت اور افسوسناک ہے . ایک بیان میں مراد علی شاہ نے کہا ہے کہ 9 مئی کے پیچھے قوم کو تقسیم کرنے کی کہانی ہے .

انہوں نے کہا کہ ایک طرف لیڈران قوم کو اکٹھا ہونے کی بات کرتے ہیں، دوسری طرف نوجوانوں کے ذہن زہر سے بھر دیے گئے .
وزیر اعلیٰ سندھ کا کہنا ہے کہ 9 مئی کو پاکستان کو نقصان دینے کی کوشش کی گئی، جب تک ہم زندہ ہیں اس ملک کو کچھ نہیں ہو گا . مراد علی شاہ نے کہا کہ پیپلز پارٹی نے ہمیشہ ملکی اتحاد اور ہم آہنگی کے لیے کام کیا، ایک شخص نے نفرتیں بڑھائیں اور قوم کو تقسیم کیا .