گرمی شروع ہوتے ہی کوئٹہ میں بجلی وگیس کی لوڈ شیڈنگ، شہریوں کا جینا دوبھر ہوگیا

کوئٹہ(قدرت روزنامہ)صوبائی دارالحکومت کوئٹہ سمیت بلوچستان بھر میں گرمی شروع ہوتے ہی کیسکو نے کئی کئی گھنٹے کی بجلی کی غیر اعلانیہ لوڈشیڈنگ کا سلسلہ شروع کر دیا ہے جس سے شہریوں صنعتکاروں اور تاجروں کو شدید پریشانی کا سامنا ہے شہریوں کا کہنا ہے کہ پٹرول اور بجلی کی قیمتوں میں بے پناہ اضافے کے بعد اب وہ جنریٹر یا یو پی ایس کے اخراجات برداشت نہیں کر سکتے شہریوں نے اعلی حکام سے نوٹس لینے کا مطالبہ کیا ہے . علاوہ ازیں کوئٹہ اور گردونواح میں سوئی گیس کیساتھ بجلی کی بھی غیر اعلانیہ لوڈ شیڈنگ شروع کردگی گئی ہےمہنگائی کے مارے عوام کی جانب سے بھاری بلوں کی بروقت ادائیگی کی جارہی ہے مگر بجلی اور سوئی گیس کی مسلسل فراہمی نہیں کی جارہی اور ائے روز گیس کی مرمت کے سلسلے میں 8 سے 10 گھنٹے گیس کی لوڈ شیڈنگ کی جا رہی ہے جس طرح بل ادا نہ کرنے پر میٹر اتار لئے جاتے ہیں اسی طرح بلوں کی ادائیگی کے باوجود بجلی و گیس نہ ملے تو ذمہ دار افسروں کی تنخواہیں ضبط کر لی جائیں عوامی حلقوں نے وزیراعظم شہباز شریف اور وزیر اعلی بلوچستان میر سرفراز احمد بگٹی سے بجلی و گیس کی غیر اعلانیہ لوڈ شیڈنگ ختم کرنے کا مطالبہ کیا ہے .

. .