سپریم کورٹ میں عمران خان کی وڈیو لنک پر پیشی کے انتظامات مکمل
اسلام آباد(قدرت روزنامہ)سپریم کورٹ میں آج بانی پی ٹی آئی کی اڈیالہ جیل سے وڈیو لنک کے ذریعے پیشی کے انتظامات مکمل کرلیے گئے .
سپریم کورٹ میں نیب ترامیم کالعدم قرار دینے کیخلاف انٹرا کورٹ اپیلوں پر سماعت آج ہوگی .
چیف جسٹس پاکستان قاضی فائز عیسیٰ کی سربراہی میں پانچ رکنی لارجربنچ سماعت کرے گا . جیل میں ویڈیو لنک انتظامات مکمل کرکے کمرے میں اسکرین بھی نصب کردی گئی اور بانی چیئرمین پی ٹی آئی کو آگاہ کر دیا گیا . سپریم کورٹ کے عملے اور جیل حکام کے مابین وڈیو لنک کنکشن کے بارے میں رابطہ بھی کیا گیا . سپریم کورٹ کے احکامات کی روشنی میں بانی پی ٹی آئی کی وڈیو لنک کے ذریعے پیشی ہوگی . نیب ترامیم کیس میں آج بانی پی ٹی آئی سپریم کورٹ پیش ہونگے . . .
