کرغستان میں پھنسے طلبہ کیلئے حکومت بلوچستان نے خصوصی ڈیسک قائم کردیا

کوئٹہ(قدرت روزنامہ)حکومت بلوچستان نے کرغستان میں پھنسے طلبہ کے لئے خصوصی ڈیسک قائم کردیا . حکومت بلوچستان کے اعلامیہ کے مطابق حکومت بلوچستان نے یہ اقدام کرغستان میں پھنسے طلبہ اور ان کے والدین کی رابطہ کاری و معاونت کے لئے اٹھایا .

وزیراعلیٰ بلوچستان میر سرفراز بگٹی کا کہنا ہے کہ کرغستان میں پھنسے طلبہ سے متعلق تشویش ہے . طلبہ تک رسائی کے لئے وزرات خارجہ کرغستان ایمبیسی سے رابطے میں ہے . طلبہ اور والدین کی ہر ممکن معاونت کریں گے . وزیر اعلیٰ سیکرٹریٹ میں کوآرڈینیشن ڈیسک قائم کردیا گیا . حالات نارمل ہونے تک ڈیسک فعال رہے گا . وزیراعلیٰ سیکرٹریٹ میں قائم ڈیسک کے واٹس ایپ نمبرز 0092-333-7925600 . 0092-315-8866926 . لینڈ لائن نمبرز 0092-81-9202061 . 0092-81-9202069 . 0092-81-9201090 ہوگا . کرغستان میں بلوچستان سے تعلق رکھنے والے طلبہ اور ان کے والدین کوآرڈینیشن ڈیسک سے رابطہ قائم کرسکتے ہیں . حکومت بلوچستان کرغستان میں پھنسے طلبہ اور والدین کے مابین رابطے سمیت ہر ممکن معاونت کرے گی . . .