پاکستان اور متحدہ عرب امارات خطے میں مشترکہ تعاون کی مثال ہوں گے، وزیر اعظم شہباز شریف
اسلام آباد (قدرت روزنامہ)ابوظبی کے دورے کے اختتام پر وزیر اعظم شہباز شریف نے پاکستان اور متحدہ عرب امارات کے درمیان تاریخی تعلقات کی تعریف کرتے ہوئے کہا کہ دونوں ممالک کے مابین تعلقات کو شیخ زاید بن سلطان آل نہیان نے مضبوط اور شیخ محمد بن زاید نے مزید مستحکم کیا۔
اپنے خطاب میں وزیر اعظم شہباز شریف نےاسلام آباد میں تعینات متحدہ عرب امارات کے سفیر حمد عبید الزعابی کے مثبت کردار کو سراہتے ہوئے انہیں محض متحدہ عرب امارات کا سفیر ہی نہیں بلکہ پاکستان کا بھائی قرار دیا۔
وزیر اعظم شہباز شریف نے اس بات پر زور دیا کہ دونوں ممالک کے درمیان تعاون اور مشترکہ کوششیں انہیں عظیم امت بنائیں گی اور پاکستان اور متحدہ عرب امارات خطے میں مشترکہ تعاون کی مثال ہوں گے۔