معروف بھارتی اداکارہ کے سوتیلے والد کو سزائے موت سنادی گئی

ممبئی(قدرت روزنامہ)بھارتی اداکارہ لیلا خان کے قتل پر سوتیلے والد پرویز ٹاک کو سزائے موت سنا دی گئی ہے .

ممبئی سیشنز کی عدالت نے جمعے کے روز سوتیلی بیٹی اور اداکارہ لیلا خان کو قتل کرنے کے جرم میں پرویز تک کو موت کی سزا سنائی گئی .

واضح رہے 2011 میں پرویز ٹاک نے سوتیلی بیٹی اداکارہ لیلا خان، 4 بھائی بہنوں اور اہلیہ کو قتل کر دیا تھا . جبکہ پرویز ٹاک نے 9 مئی کو عدالت کے ساتھ قتل کا اعتراف کیا تھا، جج ایس بی پور کی جانب سے کہنا تھا کہ یہ کیس قتل کے چارجز میں اتا ہے . پرویز ٹاک کو سزائے موت سنائی جاتی ہے .

واضح رہے اس سزا سے قبل مجرم کو 7 سال قید کی سزا سنائی گئی تھی، جبکہ 10 ہزار بھارتی روپے جرمانہ بھی عائد کیا گیا تھا . ذرائع کے مطابق پرویز ٹاک نے پہلے اہلیہ سیلینا کو جائیداد کے تنازع پر قتل کیا جس کے بعد لیلا اور دیگر 4 بچوں کی جان لے لی . قتل کا انکشاف کئی ماہ بعد سامنے آیا تھا، جب مقبوضہ کشمیر کی پولیس نے پرویز کو گرفتار کیا تھا .