آذربائیجان کے وزیر خارجہ 2 روزہ دورے پر پاکستان پہنچ گئے

اسلام آباد (قدرت روزنامہ)آذربائیجان کے وزیر خارجہ جیہون بیراموف 2 روزہ دورے پر پاکستان پہنچ گئے . وزارت خارجہ آمد پر نائب وزیراعظم اور وزیر خارجہ محمد اسحاق ڈار نے ان کا استقبال کیا .

وزیر خارجہ اسحاق ڈار اور آذربائجان کے وزیر خارجہ کے درمیان تفصیلی ملاقات ہوگی . دونوں وزرائے خارجہ کے درمیان وفود کی سطح پر بھی بات چیت ہو گی . دونوں رہنما پاکستان اور آذربائیجان کے درمیان مختلف شعبوں میں تعاون پر تبادلہ خیال کریں گے . نائب وزیر اعظم اسحاق ڈار اور آزربائجان کے وزیر خارجہ مشترکہ نیوز کانفرنس بھی کریں گے . آذربائیجان کے وزیر خارجہ اپنے دورے کے دوران وزیراعظم شہباز شریف سے بھی ملاقات کریں گے . . .