کسان کارڈپروگرام کا معاہدہ طے، قرضے اور ڈائریکٹ سبسڈی بھی دی جائے گی
لاہور(قدرت روزنامہ)کسانوں کے لئے تاریخی قدم،وزیر اعلیٰ پنجاب مریم نواز کی موجودگی میں محکمہ زراعت اور بینک آف پنجاب کے درمیان معاہدہ طے پا گیا . سیکرٹری زراعت افتخار علی سہیو اور صدر پنجاب بینک ظفر مسعود نے ایم او یو پر دستخط کئے .
وزیر اعلیٰ مریم نوازنے کہا کہ کسان خوشحال ہوگا تو پنجاب خوشحال ہوگا . وزیر اعلیٰ کو بریفنگ میں بتایا گیا کہ معیاری بیج، کھاد اور کیڑے مار ادویات فراہم کرنے کے لیے کسان کارڈ استعمال ہوگا . کسان کارڈ کے ذریعے ڈائریکٹ سبسڈی بھی دی جائے گی . بریفنگ میں بتایا گیا کہ بینک آف پنجاب کسان کارڈ پروگرام کا نفاذ کرنے والا پہلاپارٹنر ہوگا، اہل کسانوں کو قرضے اور دیگر مالی خدمات فراہم کرے گا . سینیٹر پرویز رشید، وزیر اطلاعات عظمیٰ زاہد بخاری،وزیر زراعت سید محمد عاشق حسین،چیف سیکرٹری زاہد اختر زمان، سیکرٹری زراعت، پرنسپل سیکرٹری وزیراعلی ساجد ظفر ڈال، محکمہ زراعت، بی او پی کے سینئر حکام اور دیگر اسٹیک ہولڈرز نے معاہدے پر دستخط کی تقریب میں شرکت کی . . .
