پولیس لائن سے اسپیشل انویسٹی گیشن افسر غزالہ کی گاڑی چوری

کراچی(قدرت روزنامہ) چوروں سے خاتون پولیس افسر بھی محفوظ نہیں رہی . جمشید کوارٹر پولیس لائن سے نامعلوم ملزم اسپیشل انویسٹی گیشن افسر غزالہ کی گاڑی چوری کرکے فرار ہوگیا .

سی سی ٹی وی فوٹیج منظر عام پر آگئی جس میں ملزم کو واضح طور پر دیکھا جاسکتا ہے . ملزم نے پوری واردات چند منٹوں میں کی ،پولیس افسر نے 24 گھنٹے گزر جانے کے باوجود مقدمہ درج نہیں کرایا .
پولیس کا دعوی ہے ملزم کو بہت جلد گرفتار کرلیا جائیگا . تھانہ بھی چند قدم کے فاصلے پر ہے اس کے باوجود ملزم بلا خوف واردات کرکے فرار ہوگیا .