کوئٹہ شہر کیلئے مزید 100 گرین بسوں کی منظوری دیدی گئی

کوئٹہ(قدرت روزنامہ)کوئٹہ شہر کیلئے مزید 100 گرین بسوں کی منظوری، پہلے فیز میں ڈیڑھ ماہ کے اندر 25 بسیں آجائیں گی ، دیگر روٹس پر چلایا جائیگا۔ کمشنر کوئٹہ ڈویژن حمزہ شفقات نے کہا ہے کہ گرین بس سروس سے شہریوں کو بہترین پبلک ٹرانسپورٹ کی بہتر سہولت میسر آئی، اس وقت کوئٹہ شہر پرائیویٹ کنٹریکٹ کے تحت صرف 8 بسیں چلائی جارہی ہیں ان 8 بسوں میں روزانہ 11 ہزار سے زائد افراد سفر کرتے ہیں، بہت بڑی کامیابی ہے، شہر کے لیے 100 بسوں کی منظوری ہوگئی، امید ہے کہ ڈیڑھ ماہ کے اندر پہلے فیز میں مزید 25 بسیں آجائیں گی۔ انہوں نے کہا کہ جیسے ہی 25 بسیں آئیں گی تو دیگر روٹس پر ان کو چلایا جائے گا، جس سے شہر میں نہ صرف رکشوں بلکہ موٹر سائیکلوں میں بھی کمی ہوگی۔