دکی میں کوئلہ کان پر مسلح افراد کا حملہ، 2 مزدور جاں بحق، ایک زخمی

دکی(قدرت روزنامہ)ٹرائیبل کول مائنز ایریا پر مسلح افراد کا حملہ۔ پولیس ذرائع کے مطابق فائرنگ سے دو مزدور جاں بحق، ایک زخمی ہوگیا۔ مسلح افراد کا سول سیکورٹی اہلکاروں کے ساتھ فائرنگ کا تبادلہ بھی ہوا۔ جوابی فائرنگ کے بعد حملہ آور فرار ہوگئے۔ جاں بحق ہونے والوں میں ایک کوئلہ کان انجن ڈرائیور بھی شامل ہے۔ جاں بحق ہونے والوں میں کریم اللہ دولت زئی اور نعیم ولد جلات خان قوم سلیمان خیل شامل ہے۔ زخمی کی شناخت فضل الرحمن ولد عبدالغنی کے نام سے ہوئی۔ لاشیں اور زخمی سول اسپتال دکی منتقل کردیے گئے۔