مردہ قرار دی گئی خاتون 2 گھنٹے بعد زندہ ہوگئی
اسلام آباد (قدرت روزنامہ)امریکا میں عجیب و غریب واقعہ پیش آیا ہے جہاں مردہ قرار دی گئی ایک خاتون 2 گھنٹے بعد زندہ ہوگئی .
غیرملکی میڈیا رپورٹس کے مطابق یہ واقعہ نیبراسکا کی لنکاشائر کاؤنٹی میں پیش آیا جہاں نرسنگ ہوم میں رہائش پذیر خاتون کو عملے نے مردہ قرار دے دیا تھا مگر ڈاکٹروں کو طلب نہیں کیا گیا .
تاہم وہ 2 گھنٹے بعد زندہ پائی گئی ہیں . مقامی پولیس نے اس واقعے کو غیرمعمولی کیس قرار دیا ہے، جبکہ ڈپٹی چیف لنکا شائر کاؤنٹی شیرف بین ہوسکین نے کہاکہ 31 سال میں کبھی ایسا واقعہ دیکھنے میں نہیں آیا . یاد رہے کہ نرسنگ ہوم نے 3 جون کو خاتون کو مردہ قرار دیتے ہوئے لاش کو مردہ خانے میں منتقل کردیا تھا . لاش کو جب مردہ خانے میں رکھا گیا تو عملے کے ایک فرد نے خاتون کو سانس لیتے ہوئے محسوس کیا جس کے فوری بعد ایک اسپتال منتقل کیا گیا جہاں ان کے زندہ ہونے کی تصدیق ہوگئی . دوسری جانب نرسنگ ہوم کی انتظامیہ نے واقعے پر کوئی بیان جاری نہیں کیا جبکہ مقامی پولیس کا کہنا ہے کہ خاتون کے خاندان کو صورتحال سے آگاہ کردیا گیا ہے اور معاملے کی تفتیش بھی کی جارہی ہے . . .
