سرحدی شہر چمن میں تیسرے روز بھی مکمل ہڑتال ‘ ڈی سی کمپلیکس سمیت تمام سرکاری دفاتر مکمل بند
اڑتالیس گھٹنوں سے زائد وقت گزرنے کے بعد بھی چمن سے گرفتار دھرنے کی قیادت کو کسی عدالت میں پیش نہیں کیا گیا
چمن(قدرت روزنامہ) سرحدی شہر میں تیسرے روز بھی مکمل ہڑتال ‘ ڈی سی کمپلیکس سمیت تمام سرکاری دفاتر مکمل بند ہیں ۔ کوئٹہ چمن شاہراہ سمیت شہر میں بینکس اور نجی دفاتر بھی بند ہیں ۔ گذشتہ روز کے پرتشدد واقعات کے بعد شہر میں صورتحال تاحال کشیدہ ہے ۔
آج صبح بھی بعض مقامات پر معمولی نوعیت کے تصادم ہوئے تاہم کوئی بڑا واقعہ نہیں ہوا۔ چمن دھرنا اور ڈی سی آفس کے باہر عوام کی بڑی تعداد آج بھی موجود ہے‘ دھرنے جاری ۔ اڑتالیس گھٹنوں سے زائد وقت گزرنے کے بعد بھی چمن سے گرفتار دھرنے کی قیادت کو کسی عدالت میں پیش نہیں کیا گیا۔
ڈپٹی کمشنر اور دیگر ضلعی آفیسران آج تیسرے روز بھی دفاتر میں موجود نہیں ۔چمن ‘ صوبائی حکومت یا مرکزئی حکومت کیجانب سے ابھی تک مظاہرین سے مذاکرات کیلئے کوئی بھی کوشش نہیں کی گئی۔
