تجابان میں فورسز کیمپ آبادی سے دور منتقل کرنے کی یقین دہانی پر اہل علاقہ کا احتجاج موخر

تربت(قدرت روزنامہ)تجابان میں سیکورٹی فورسز کی زیادتیوں کیخلاف سی پیک شاہراہ بند کرنے کا اعلان، سیکورٹی فورسز کے افسران سے ملاقات اور فورسز کیمپ کو آبادی سے دور منتقل کرنے کی یقین دہانی پر 4 مہینوں کیلئے احتجاج موخر کردیا گیا، اہالیان تجابان نے گزشتہ روز سی پیک سے متصل تجابان میں سیکورٹی فورسز کی ہر شب آبادی پر اندھا دھند فائرنگ اور مقامی آبادی کو خوف و ہراس میں مبتلا کرنے کیخلاف اور کیمپ کو آبادی سے دور منتقل کرنے کیلئے 10 جون بروز پیر کو تجابان کے مقام پر سی پیک شاہراہ ایم ایٹ کو بلاک کرنے کا اعلان کیاتھا جس پر سیکورٹی فورسز کے مقامی افسران نے علاقائی اہم شخصیات ومعتبرین سے ملاقات کرکے انہیں کیمپ آبادی سے دور منتقل کرنے کی یقین دہانی کرائی اورکہاکہ نئے کیمپ کی تعمیر30جون سے شروع کی جائے گی اور30اکتوبرتک تعمیرات مکمل کرکے کیمپ کو منتقل کردیاجائے گا جس پر اہلیان تجابان نے 30اکتوبر تک احتجاج موخر کرنے کا اعلان کردیا . .

.