تجابان میں دھرنا ختم، انتظامیہ نے لاپتا طالبعلم کی بازیابی کیلئے مہلت مانگ لی

تربت(قدرت روزنامہ)تجابان کے مقام پر ایم 8شاہراہ پر جاری دھرنا انتظامیہ کے ساتھ کامیاب مذاکرات کے بعد ختم ، انتظامیہ نے لاپتہ طالب علم کی بازیابی کے لیے تین دن کی مہلت مانگ لی، لاپتہ طالب علم فاروق سخی داد کی بازیابی کے لیے تجابان کے مقام پر جاری دھرنا کے شرکاءکے ساتھ ایڈیشنل ڈپٹی کمشنر (جنرل ) کیچ خلیل مراد کی قیادت میں مذاکرات کے بعد3دن کی مہلت پر دھرنا ختم اور ٹریفک بحال کردی گئی ، گزشتہ تین روزسے تجابان کے مقام پر فاروق سخی داد کی گمشدگی کے خلاف ان کے اہل خانہ اور علاقہ مکینوں نے ایم 8شاہراہ پر دھرنا دے کر ٹریفک بلاک کیا تھا،بدھ کے روز ایڈیشنل ڈپٹی کمشنر (جنرل ) کیچ خلیل مراد کی قیادت میں ضلعی انتظامیہ کے وفد نے تجابان جاکر مظاہرین سے ملاقات کی اور انہیں تین دنوں میں لاپتہ طالب علم بازیاب کرانے کی یقین دہانی کرائی، انتظامیہ کے وفد میں اسسٹنٹ کمشنر تربت حسیب شجاع، تحصیلدار تربت شیرجان دشتی اور لیویز فورس کے رسالدار میجر عبدالسلام شامل تھے . .

.