اداکارہ ماہ نور حیدر کو اپنا فون کیوں بند کرنا پڑا؟

اسلام آباد (قدرت روزنامہ)ماہ نور حیدر پاکستان کی ایک معروف اداکارہ اور ماڈل ہیں، انہوں نے اپنے کیرئیر کا آغاز فلم ’طیفا ان ٹربل‘ سے کیا، وہ فلم ’پرچی‘ میں بھی نظر آئیں۔
ماہ نور حیدر نے کچھ عرصے کے لیے اپنی پیشہ ورانہ سرگرمیوں سے وفہ بھی لیا، لیکن ان کی واپسی زبردست رہی، انہوں نے بلاک بسٹر ڈراما ’خئی‘ میں اپنے کردار سے اپنے مداحوں کے دل جیت لیے۔

ڈراما سیریل ’خئی‘ میں ماہ نور حیدر کو خوب سراہا گیا، ڈرامے میں وہ ایک سچے کردار میں نظر آئیں، جبکہ باقی تمام کردار سازشی دکھائے گئے، لوگوں نے ماہ نورحیدر کی ڈرامے میں معصومیت کو پسند کیا اور وہ مرکزی کردار ادا نہ کرنے کے باوجود مداحوں کی توجہ کا مرکز رہیں۔

نجی ٹی وی کے پروگرام مائنڈ نہ کرنا میں ادکارہ ماہ نور حیدر سے ان کی پیشہ ورانہ زندگی کے سفر اور ’خئی‘ میں ان کی حالیہ کامیابی کے بارے میں پوچھا گیا تو بتایا کہ ’خئی‘ کی کامیابی کے بعد انہیں اپنا فون بند کرنا پڑا تھا کیونکہ مداح ان کو فون کرتے تھے، وہ پہچان یا توجہ کا مرکز بننا پسند نہیں کرتی، اس لیے اس نے اپنا فون بند کر دیا تھا۔