خضدار،خودساختہ مہنگائی نے عوام کا جینا محال کردیا،نیشنل پارٹی
خضدار(قدرت روزنامہ)نیشنل پارٹی سٹی خضدار کے ترجمان نے اپنے جاری کردہ ایک بیان میں کہا ہیکہ خضدار میں منافع خوروں کے ہاتھوں عوام خود ساختہ مہنگائی کی چکی میں بری طرح پس رہی ہے پورے ملک میں جہاں مہنگائی کی شرح کم ہوتی جارہی ہے کافی عرصہ بعد اشیاء خوردنوش کی قیمتوں میں نمایاں کمی ہوئی ہے لیکن خضدار کے عوام کو کوئی ریلیف نہیں مل رہے ہے انتظامیہ لسٹ جاری کرنے اور سوشل میڈیا پر احکامات جاری کرنے کے حد تک محدود ہے گزشتہ دن انتظامیہ کی جانب سے گاڑیوں کی کرایہ و دیگر خوردنوش کی اشیاء کے نرخ نامے جاری کئےگئے اس اقدام سے عوام میں ایک امید سی جاگی کہ کافی عرصہ بعد شاہد عوام کو کچھ ریلیف ملے گالیکن ماضی کی طرح منافع خوروں کی جانب سے سرکاری نرخ نامہ کو چیلنج کرکے اپنی من مانی نرخوں پر عمل درآمد جاری رکھا گیاہے اور عوام پھر سے ریلیف حاصل نہ کرسکاترجمان نے مطالبہ کرتے ہوئے کہا ہے کہ انتظامیہ جلد از جلد پرائس کنٹرول کمیٹی کو متحرک بناکر عوام کو لوٹنے والوں کے خلاف کاروائی عمل میں لائے اور انہیں پابند کریں کہ وہ سرکاری نرخ نامہ پر عمل کرکے عوام سستی ایشیاء فراہم کیاجائے بصورت دیگر این پی عوامی مسائل پر آواز بلند کرکے احتجاج کریں گے۔