نصیر آباد،کرین ڈرائیور کی غفلت سےگیارہ ہزار کے وی ٹرانسمیشن لائن کے 3کھمبے زمین بوس ہوگئے
تفصیلات کے مطابق کیسکو آپریشن ڈیرہ مراد جمالی کے سب ڈویژنل آفیسر حاجی محمد قاسم کھوسہ نے ایل ایس منجھو شوری نادر علی شیخ اور کریم داد شر کے ہمراہ متاثرہ جگہ کا جائزہ لیا ایس ڈی او کیسکو آپریشن نصیر آباد حاجی محمد قاسم کھوسہ نے بتایا کہ ایس ایس جی سی کے ڈرائیور اور دیگر انتظامیہ کی جانب سے غیر ذمہ داری کا مظاہرہ کیا گیا ہے جنہوں نے کیسکو کی مین گیارہ ہزار کے وی ٹرانسمیشن لائن کو نقصان پہنچانے کے باوجود کیسکو کو مطلع تک نہیں کیا اس ٹرانسمیشن لائن سے بختیار آباد نوتال اور لانڈھی کو بجلی فراہم کی جاتی ہے جبکہ بجلی کی عدم فراہمی سے ان علاقوں کو پانی کی فراہمی بھی معطل ہوگئی ہے ایس ایس جی سی کی مبینہ غفلت اور لاپرواہی کے خلاف قانونی کارروائی کے لیے پولیس کا تحریری طور پر آگاہ کیا گیا ہے جبکہ کیسکو حکام کو بھی اس بات اطلاع دی گئی ہے ہماری بھرپور کوشش ہوگی کہ جلد از جلد بجلی کی فراہمی کو یقینی بنایا جائے ہمیں عوام کی مشکلات اور تکالیف کا بخوبی علم ہے دریں اثنا نوتال لانڈھی بختیار آباد سمیت دیگر متاثرہ علاقوں کی عوام کی جانب سے ایس ایس جی سی گرین ڈرائیور اور دیگر عملے کی مبینہ غفلت پر شدید برہمی کا اظہار کیا گیا ہے جن کی لاپرواہی کی وجہ سے عوام کو اذیت سے دوچار ہونا پڑ رہا ہے انہوں نے حکام بالا اور کیسکو انتظامیہ سے مطالبہ کیا ہے کہ وہ اس معاملے کی تحقیقات کر کے ملوث افراد کے خلاف سخت قانونی کاروائی عمل میں لائیں جن کی وجہ سے عوام اس عذاب سے دوچار ہو رہی ہے علاقے میں بجلی کی بندش اور پانی کے فقدان کی وجہ سے عوام کا جینا دوبر ہو چکا ہے شدید گرمیوں کی لہر اور بجلی کی بندش اور ابنوشی کی قلت سے علاقہ کربلا کر منظر پیش کررہا ہے بچے بوڑھے خواتین کا اذیت ناک لمحات سے جینا محال ہو گیا ہے . . .
