حبا بخاری اور شہریار منور صدیقی کی کیمسٹری شائقین کے دلوں کو بھا گئی

اسلام آباد (قدرت روزنامہ)ڈراما سیریل ’رَد‘ میں حبا بخاری اور شہریار منور صدیقی کی کیمسٹری شائقین کے دلوں کو بھا گئی ہے۔
نجی ٹی وی کے ڈرامے رَد میں اداکارہ حبا بخاری اور اداکار شہریار منور صدیقی بالترتیب ایمان اور سالار کا کردار ادا کررہے ہیں جبکہ ارسلان نصیر (زین) کا مرکزی کردار نبھا رہے ہیں، ڈرامے کی کاسٹ میں یامین پیرزادہ، دانیہ انور، محمد احمد اور ارسلان نصیر بھی شامل ہیں۔
شائقین اس ڈارمے کی کہانی کو بے حد پسند کررہے ہیں اور ڈرامے میں پیش کیے گئے حالات و واقعات کے حالیہ موڑ کو خوب سرا رہے ہیں، وہ ایمان (حبا بخاری) اور سالار(شہریار منور صدیقی) کی ترقی پذیر محبت کی کہانی اور دلکش کیمسٹری کو پسند کررہے ہیں۔
شائقین یہ بھی پسند کر رہے ہیں کہ کس طرح ایمان سالار کے لیے اسٹینڈ لے رہی ہے اور ان کے ساتھ جم کر کھڑی ہے۔

زیادہ تر مداحوں کا خیال ہے کہ سالار کی زندگی میں ایمان کی موجودگی نے انہیں تقویت بخشی ہے اور وہ اپنے خاندان کے ان افراد کے ساتھ بہترطریقے سے نمٹنے کے قابل ہو رہی ہیں جو ساری زندگی ان پر مسلسل ظلم کرتے رہے۔

مداحوں کو سالار اور ایمان کی محبت کی کہانی پیاری لگتی ہے اور وہ ان کی خوبصورت کیمسٹری اور پاکیزگی کو بھی پسند کر رہے ہیں، زیادہ تر شائقین شہریار منور صدیقی کی چیلنجنگ کردار میں پختہ اداکاری کو سرا رہے ہیں۔

مداح حبا بخاری کی اداکاری کی بھی تعریف کر رہے ہیں، ڈرامے کے ناظرین اس کی منفرد کہانی کی تعریف کر رہے ہیں، شائقین کو توقع ہے کہ اس ڈرامے کا اختتام ایمان اور سالار کی خوشگوار زندگی کی طرف لوٹنے پر ہوگا۔