انسدادِ بجلی چوری مہم: بجلی چوروں سے 95 بلین روپے وصول، 78 ہزار سے زائد گرفتار

اسلام آباد (قدرت روزنامہ)ملکی معیشت کی بحالی اور عوام کو بجلی کے بحران سے نکالنے کے لیے حکومت اور عسکری قیادت کے اقدامات کے ثمرات آشکار ہو رہے ہیں۔ بجلی چوروں کے خلاف سخت کریک ڈاؤن میں ملک بھر سے اب تک 95 بلین روپے وصول اور 78 ہزار سے زائد بجلی چور گرفتار کیے جاچکے ہیں۔
2 تا 9 جون کے دوران متعلقہ اداروں نے لاہور، گجرانوالہ، فیصل آباد، ملتان اور اسلام آباد سے بجلی چوروں سے 35 ملین وصول کیے ہیں۔ پشاور، حیدرآباد، سکھر اور کوئٹہ سے 15 ملین وصول کیے گئے ہیں۔
9 جون سے اب تک مزید 250 بجلی چوروں کی گرفتاری عمل میں آئی ہے، متعلقہ ادارے ملک بھر سے بجلی چوروں کے مکمل خاتمے تک اپنی کارروائیاں جاری رکھنے کے لیے پُرعزم ہیں۔