ادبی اداروں کے فنڈز میں کٹوتی بلوچی زبان کیساتھ زیادتی ہے، بلوچستان نیشنل الائنس

تربت(قدرت روزنامہ)بلوچستان نیشنل الائنس کے مرکزی ترجمان نے اپنے بیان میں کہاہے کہ بلوچی اکیڈمی کوئٹہ، بلوچستان اکیڈمی و دیگر کے گرانٹ میں کٹوتی بلوچی زبان و ادب کے ساتھ زیادتی ہے، ترجمان نے بلوچستان حکومت کی جانب سے بلوچی اکیڈمی کوئٹہ، بلوچستان اکیڈمی و دیگر بلوچی اور براﺅئی زبان کے اداروں کے سالانہ گرانٹ میں کٹوتی کی مذمت کی ہے، ترجمان کا مزید کہنا ہے کہ گزشتہ دنوں حکومت بلوچستان نے بلوچی زبان کی ترقی و ترویج کے لئے کام کرنے والے اداروں کے سالانہ گرانٹ میں کئی فیصد کمی ہے جو ان اداروں کے ساتھ ساتھ بلوچی زبان و ادب کے ساتھ بھی زیادتی ہے، بلوچی اکیڈمی عرصہ دراز سے بلوچی زبان و ادب کی خدمت لئے سرگرم عمل ہے اور اس وقت بھی بہت سے منصوبوں پر کام کر رہی ہے، حکومت کی ذمہ داری ہے کہ وہ بلوچی زبان و ادب کی ترویج و ترقی کے لئے کام کرنے والے اداروں کی سرپرستی کرے اور انہیں وہ تمام وسائل مہیا کرے جو کسی زبان و ادب کی ترقی کے لئے لازم ہیں، بلوچستان نیشنل الائنس بلوچی زبان کے اداروں کے گرانٹ کے کٹوتی کے عمل کی پُر زور الفاظ میں مذمت کرتی ہے اور مطالبہ کرتی ہے کہ حکومت بلوچستان بلوچی اکیڈمی و دیگر کے گرانٹ کو بحال کرے۔