کیا یکم جولائی سے پیٹرولیم لیوی میں اضافہ ہورہا ہے؟

اسلام آباد (قدرت روزنامہ)ملک میں یکم جولائی سے پیٹرولیم لیوی میں اضافے کی خبروں پر وزارت خزانہ نے وضاحت کرتے ہوئے کہا ہے کہ میڈیا پر چلنے والی ایسے تمام خبریں بے بنیاد ہیں . اپنے ایک بیان میں ترجمان وزارت خزانہ نے کہاکہ پیٹرولیم مصنوعات پر پیٹرولیم لیوی میں گنجائش رکھی گئی ہے .

ترجمان نے بتایا کہ پیٹرولیم لیوی میں یکم جولائی 2024 سے اضافہ نہیں ہورہا اور نہ ہی اس بارے میں کوئی فیصلہ ہوا ہے . ترجمان کے مطابق حکومت عوام پر بوجھ نہیں ڈالنا چاہتی بلکہ مہنگائی میں کمی کے لیے اقدامات اٹھائے جارہے ہیں . ترجمان وزارت خزانہ نے بتایا ہے کہ ہم عالمی مارکیٹ میں تیل کی قیمتوں میں اتار چڑھاﺅ سے آگاہ ہیں، عوام افواہوں پر یقین نہ کریں . واضح رہے کہ میڈیا پر یہ خبریں زیرِگردش ہیں کہ حکومت پیٹرولیم لیوی میں اضافے کا فیصلہ کرچکی ہے جس کے نتیجے میں یکم جولائی سے پیٹرولیم مصنوعات کی قیمتوں میں اضافہ متوقع ہے . . .