بیوٹمز کی بس سے گر کر طالبعلم کی موت کی ذمے دار بلوچستان حکومت ہے، روزینہ خلجی

کوئٹہ(قدرت روزنامہ)سول سوسائٹی کی رہنما روزینہ خلجی اور پی ایس او کے رہنما محمد عرفات کاکڑ ،محمد رحیم خان کاکڑ نے حکومت سے مطالبہ کیاہے کہ بیوٹمز بس حادثے کی تحقیقات کیلئے کمیٹی تشکیل دے کر حقائم قوم کے سامنے لائے جائیں اور ذ مہ داروں کا تعین اور قراراواقعی سزا دی جائے ان خیالات کا اظہار انہوں نے منگل کو کوئٹہ پریس کلب میں پریس کانفرنس کے دوران کیا ، انہوں نے کہاکہ گزشتہ روز بیوٹمز بس حادثے میں ایک طالب علم جاں بحق جبکہ ایک زخمی ہوا جوکہ قابل مذمت اور قابل افسوس عمل ہے بس میں 30افراد کی گنجائش ہونے کے بعد بس میں 75سے80طلبا کو سوار کیا گیا اور شدید گرمی اور یونیورسٹی کی نااہلی اور کوتاہی کی وجہ سے یہ حادثہ پیش آیا ہے عوام اپنے خون پسینے کی کمائی کے بعد اپنے بچوں کو اعلیٰ تعلیم کے حصول کیلئے یونیورسٹی میں بھیجتے ہیں نہ کے موت کی آغوش میں جانے کیلئے ان کا کہنا تھا کہ ہمارے ٹیکس کے پیسے کہاں خرچ ہورہے ہیں ان پیسوں سے ہمارے نو جوانوں کو تعلیم صحت اور روزگار کی سہولیات فراہم کی جائے انہوں نے کہاکہ حکومت اور انتظامیہ کی جانب سے تا حال کوئی کارروائی نہیں کی گئی جبکہ واقع کے خلاف آواز اٹھانے والے طلبا کو یونیورسٹی سے معطل کیا گیا ہے ہم واقعہ پر خاموش نہیں بیٹھیں گے اور انصاف کے حصول تک آواز بلند کرتے رہیں گئے اس لئے واقع کی تحقیقات کر کے ذمہ داروں کے خلاف کاروائی کی جائے . .

.