بلوچستان حکومت نے آپریٹنگ اخراجات کی مد میں 3 ارب 39 کروڑ اضافی خرچ کرڈالے

کوئٹہ(قدرت روزنامہ)بلوچستان میں گزشتہ مالی سال کے دوران آپریٹنگ اخراجات کی مد میں 3 ارب 39 کروڑ روپے اضافی خرچ کیے گئے . ذرائع کے مطابق بلوچستان حکومت نے گزشتہ مالی سال 2023-24 کے دوران 3 ارب 39 کروڑ روپے آپریٹنگ اخراجات کی مد میں اضافی خرچ کرڈالے .

حکومتی ذرائع کے مطابق آپریٹنگ اخراجات گاڑیوں کے تیل اور دفتری خرچوں پر مشتمل ہوتے ہیں . گزشتہ مالی سال 2023-24 میں آپریٹنگ اخراجات کے لیے 31 ارب 93 کروڑ روپے رکھے گئے تھے، مالی سال کے آخر میں مختص کیے گئے، 31 ارب 93 کروڑ روپے سے 3 ارب 39 کروڑ روپے اضافی خرچ ہوئے، جو کل ملا کر آپریٹنگ اخراجات کی مد 35 ارب 32 کروڑ روپے کے اخراجات بن گئے . . .