میٹرک کا رزلٹ کب آئے گا؟ پنجاب تعلیمی بورڈز نے تاریخ کا اعلان کردیا

اسلام آباد (قدرت روزنامہ)پنجاب تعلیمی بورڈز نے میٹرک کے امتحانات کے نتائج کی تاریخ کا اعلان کردیا ہے . پنجاب کے 9 تعلیمی بورڈز 9 جولائی بروز منگل میٹرک کے امتحان 2024 کے نتائج کا اعلان کریں گے، طلبا اپنے نتائج متعلقہ بورڈ کی ویب سائٹ پر یا اپنے موبائل فون کے ذریعے آن لائن دیکھ سکتے ہیں .

ہر بورڈ کی ویب سائٹ پر نتائج کا ایک مخصوص صفحہ ہوگا، جہاں طلبا اپنا رول نمبر یا دیگر مطلوبہ اسناد کا حوالہ نمبر درج کر کے اپنے رزلٹ کارڈ تک رسائی حاصل کرسکتے ہیں . وہ طلبا، جن کے پاس فوری انٹرنیٹ کی سہولت نہیں، موبائل ایس ایم ایس کا آپشن استعمال کرسکتے ہیں . طلبا اپنے ضلعے کے مخصوص ’بورڈ کوڈ‘ کے ساتھ اپنا رول نمبر ایک مقررہ نمبر پر آسانی سے بھیج سکتے ہیں، ہر ضلعے کے بورڈ کوڈز درج ذیل ہیں . فیصل آباد 800240، ڈیرہ غازی خان 800295، گوجرانوالہ 800299، راولپنڈی 800296، لاہور800291، بہاولپور 800298، سرگودھا 800290، ساہیوال 800292 اور ملتان 800293 یاد رہے کہ پنجاب بورڈز صوبے میں ثانوی تعلیم کے لیے امتحانات منعقد کرنے اور ڈگریاں دینے کے ذمہ دار ہیں، صوبے میں کل 9 بورڈز ہیں، ہر ایک مختلف ضلعے کا احاطہ کرتا ہے . . .